‘आमदार रोहित पवार यांना उंची वाढल्यासारखे वाटते. परंतु, शरद पवार यांच्या खांद्यावर बसून ते स्वतःची उंची मोजत असतात. शरद पवार यांच्या खांद्यावरून उतरा म्हणजे तुम्हाला कळेल, तुम्ही किती खुजे आहेते’ अशा शब्दांत भाजपचे आमदार गोपीचंद पडळकर यांनी रोहित पवार यांच्यावर बोचरी टीका केली आहे.
कर्जत जामखेड मतदार संघाचे आमदार रोहित पवार हे वेळोवेळी भाजप, मोदी, आणि देवेंद्र फडणवीस यांच्यावर टीका करत असतात. त्यांना म्हणजेच रोहित पवारांना आपली उंची वाढली असे वाटत राहते. असं पडळकर म्हणाले.
गोपीचंद पडळकर हे करमाळा येथून औरंगाबादच्या दिशेने आज सकाळी जात होते. आमदार रोहित पवार यांच्या मतदारसंघातील अहमदनगर करमाळा महामार्गावरील पडलेल्या खड्यांमुळे रस्त्याची अवस्था वाईट झाली आहे. पडळकर यांनी मिरजगाव येथे आल्यानंतर तेथील लोकांसोबत चर्चा केली. त्यानंतर त्यांनी खराब रस्त्यावर उभा राहून व्हिडीओ बनवला आणि रोहित पवार यांच्यावर जोरदार टीका केली आहे. तसेच मतदार संघातील रस्ते दुरुस्त करा असा आपुलकीचा सल्लाही दिला आहे.