आसाम आणि पश्चिम बंगाल राज्यातील अनेक योजनांच भूमिपूजन करण्यासाठी पंतप्रधान नरेंद्र मोदी आसाम पश्चिम बंगालचा दौरा करण्यासाठी आज रवाना झाले आहेत.पश्चिम बंगालमधील हल्दिया येथे ते एका सभेला संबोधित करणार आहेत.
आसाममधील जनतेमध्ये मोठा उत्साह पाहून आनंद वाटला. उद्या पुन्हा आसामला जाण्याची संधी मिळाली यामुळे मी खूश आहे. आसामच्या सर्वांगिण विकासासाठी आम्ही काम करत राहू. आपल्या ट्विटमध्ये मोदींनी काही फोटोही शेअर केले आहेत. यांमध्ये आसामच्या लोकांकडून त्यांच्या स्वागतासाठी करण्यात येत असलेली तयारी दिसत आहे.असे मोदी ट्विट करत म्हणाले आहेत.
पंतप्रधान दौऱ्याच्या प्रोटोकॉलनुसार, मुख्यमंत्री ममता बॅनर्जी यांनाही यासाठी निमंत्रण देण्यात आलं आहे. मात्र, त्या या कार्यक्रमात सहभागी होणार नाहीत, असं सुत्रांकडून सांगण्यात येत आहे.
ढोबी-दुर्गापूर नॅचरल गॅस पाईपलाइन डिव्हिजनचं उद्घाटनही पंतप्रधान करणार आहेत. पंतप्रधान उर्जा गंगा प्रकल्पांतर्गत याची उभारणी केली जात आहे.मोदी पहिल्यांदा आसाममधील सोनितपूर येथे दोन रुग्णालयांचे भूमिपूजन करतील तसेच ‘असोम माला’ या कार्यक्रमाचे उद्घाटन करतील
पश्चिम बंगालमध्ये हल्दिया येथे संध्याकाळी चार वाजता ते जनतेला संबोधित करणार आहेत. त्यानंतर ४.४५ वाजता येथे ते काही महत्वाच्या योजनांचे भूमिपूजन करणार आहेत.