सांगली जिल्ह्यातील (ता. तासगाव) बेंद्री या गावचे पुत्र, आयटीबीपी ५३ बटालियनचे जवान सचिन जाधव हे आंध्र प्रदेश येथील चित्तूर येथे झालेल्या अपघातात ठार झाले आहेत. ही दुर्घटना शनिवारी दि.९ रोजी रात्रीच्या सुमारास घडली आहे.त्याचे वय 30 होते. 12 वी नंतर त्यांनी देशसेवेसाठी २०१० मध्ये भरती झाले. सध्या आयटीबीपी ५३ बटालियन, चित्तूर आंध्रप्रदेश येथे कार्यरत होते.
लॉकडाऊन नंतर ते आंध्र प्रदेशमध्ये नोकरीच्या ठिकाणी गेले होते. ६ वर्षापूर्वी त्यांचा विवाह झाला असून त्यांना तीन एक वर्षाचा मुलगा आणि तर एक महिन्याची मुलगी आहे. तिच्या नामकरण सोहळ्यासाठी आंध्रप्रदेशहून गावाकडे निघाले असता झालेल्या अपघातात ते ठार झाले आहेत.
सचिन जाधव यांचे पार्थिव आज दुपारपर्यंत त्यांच्या गावी आणण्यात येणार आहे. दुपारनंतर शासकीय इतमामात अंत्यसंस्कार करण्यात येणार आहेत. अशी माहिती तहसिलदार कल्पना ढवळे यांनी दिली आहे. जवान सचिन जाधव यांच्या मृत्यूची बातमी समजताचं गावावर दुःखाचा डोंगर कोसळला आहे.