सीबीएसईच्या नव्या नियमानुसार, दहावीचा विद्यार्थी गणित किंवा विज्ञानात नापास झाला आणि त्यानं ऐच्छिक विषय म्हणून घेतलेल्या कौशल्याधारित विषयात उत्तीर्ण झाला तर त्याला पास असल्याचंच समजलं जाईल.
बोर्डाकडून हा नियम विशेषतः अशा विद्यार्थ्यांसाठी बनवला गेला आहे, जे हुशार आहेत पण अभ्यासात थोडे कच्चे आहेत. या निर्णयाचं विद्यार्थी, पालक आणि शिक्षकांनीही जोरदार स्वागत केलं आहे. भारत सरकारचं ‘स्किल इंडिया इनिशिएटिव्ह’सुद्धा समोर ठेऊन हा निर्णय घेण्यात आला आहे.
जाहीर झाल्यावर दहावी आणि बारावीच्या परीक्षांची डेटा शीट https://www.cbse.nic.in या अधिकृत संकेतस्थळावर उपलब्ध होईल. भारतभरात दहावी आणि विद्यार्थी सीबीएसईच्या बोर्ड परीक्षेला बसणार आहेत. केंद्रानं कंटेनमेंट झोन बाहेरच्या शाळांना टप्याटप्यात उघडण्याची आणि मर्यादित उपस्थितीत चालू करण्याची परवानगी दिली आहे. इथे कोविडसंबंधीचे प्रोटोकॉल्स पाळणं अपेक्षित आहे.
केंद्रीय शिक्षण मंत्री रमेश पोखरियाल निशंक यांनी गुरुवारी घोषणा केली, की CBSE च्या दहावी आणि बारावीच्या परीक्षांचे वेळापत्रक २ फेब्रुवारीला घोषित केले जाईल. 2020 मध्ये 20 टक्के विद्यार्थ्यांनी कौशल्याधारित विषय निवडले होते. हीच संख्या 2021 मध्ये 30 टक्क्यांवर गेली.
आर्टिफिशियल इंटेलिजन्स (artificial intelligence) , इन्फॉर्मेशन टेक्नॉलॉजी, कम्प्युटर सायन्स इत्यादी हे ऐच्छिक विषय आहेत. यानंतर दहावीची टक्केवारी ‘बेस्ट ऑफ फाईव्ह सब्जेक्ट्स’च्या आधारावर ठरवली जाईल.