मुंबई काँग्रेसचे सरचिटणीस विश्वबंधू राय यांनी थेट काँग्रेस सुप्रीमो सोनिया गांधी यांना सविस्तर पत्र लिहिले आहे. पक्षाला महाविकास आघाडी सरकारमध्ये एकट पाडलं जात आहे.सरकार आणि राष्ट्रवादी काँग्रेस पक्ष काँग्रेस पक्षाला वाळवीप्रमाणे हळूहळू संपवण्याचं काम करत आहे. एक वर्षानंतरही काँग्रेस महाविकास आघाडी सरकारमध्ये आहे. मात्र, शिवसेना आणि राष्ट्रवादी काँग्रेस हे दोन पक्षचं सरकार चालवण्याचं काम करत आहेत.अस विश्वबंधू राय यांनी सोनिया गांधींना लिहिलेल्या पत्रात म्हटलं आहे.
आपल्यासोबत युतीत असलेले पक्ष हे स्वतःच्या पक्षातच मग्न असून वैचारिक रणनीती आखत आपल्या पक्षाला नाराज करत आहेत. हे थांबवण्यात काँग्रेस पक्ष कुचकामी ठरला आहे, असंही राय यांनी पत्रात म्हटलं आहे.पक्ष सोडून जाणाऱ्यांना थांबवण्यासाठी काही ठोस पावलं उचलणं गरजेचं आहे. त्याचबरोबर शिवसेना आणि राष्ट्रवादी काँग्रेसला युतीधर्म पाळण्याच्या सूचना देणं हे ही गरजेचं आहे.
ठाकरे सरकारमध्ये काँग्रेसच्या मंत्र्यांना पक्षासाठी तळागळातील लोकांपर्यंत काम करण्याची संधी मिळत नाही. त्यामुळे सर्वसामान्य जनता आणि पक्षाच्या कार्यकर्त्यांनाच त्यांच्या मंत्र्यांकडे कुठलं खात आहे, हे माहिती नाहीकाँग्रेसच्या पदाधिकाऱ्यानं हा देखील आरोप केला आहे.मुंबई मिररने याबाबत वृत्त दिलं आहे.