देशाचे पंतप्रधान नरेंद्र मोदी मेहुलभाई…मेहुलभाई बोलत होते. मग मेहुलभाई देशातून पळाला कसा? अशी खोचक विचारणा करतानाच जेवढी तत्परता आता आणण्यासाठी दाखवत आहेर.
तेवढीच तत्परता मेहुल चोक्सी पळून जाताना त्याला पकडण्यासाठी का दाखवण्यात आली नाही, असा सवाल राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी केंद्र सरकारला केला आहे.
मेहुल चोक्सी यांना आणण्याबाबत कोणाचेही दुमत नाही, परंतु दोन-तीन दिवस मेहुल चोक्सी यांना आणण्याचा जोरदार प्रचारही केंद्र सरकारकडून केला जातोय. मुळात तो पळाला कसा हा प्रश्न आजही अनुत्तरीत आहे.
तो देशातील जनतेचा पैसा बुडवून पळत असताना पंतप्रधान मोदींनी का तत्परता दाखवली नाही, असा प्रश्न आजही जनतेच्या मनात जिवंत असल्याचे नवाब मलिक म्हणाले. तसेच नीरव मोदी, विजय मल्ल्या यांना कधी आणणार, असा सवालही त्यांनी उपस्थित केला.